Ən çox şikayət olunan sığorta şirkəti məlum oldu
Azərbaycanın bütün mediasınının monitorinqini aparan Media Təqib Mərkəzi 2016-cı ilin mart ayı üzrə sığorta şirkətləri ilə bağlı analiz işini yekunlaşdırıb.
2016-cı ilin mart ayında elektron mətbuatda, yəni sayt və portallarda sığorta şirkətləri ilə əlaqəli 4399 xəbər yerləşdirilib – 1022 xəbərdə konkret sığorta şirkətinin adı çəkilib. Bunlardan 991-i neytral, 31-i isə mənfi xəbərlərdir. Mənfi xəbərlər Atəşgah Sığorta (23 xəbər – müştəriləri aldatması iddiası və şikayətlər), Standard İnsurance (5 xəbər – sığorta ödənişini alarkən yaranan süni əngəllər iddiası) və Dövlət Sığorta Kommersiya Şirkətinə (3 xəbər – məcburi köçkünü aldatması) məxsusdur. Mart ayında elektron mətbuatda sığorta şirkətləri haqqında müsbət xəbər olmayıb.
Xəbər sayına görə sıralama:
- Paşa Sığorta 129 xəbər
- Beynəlxalq Sığorta Şirkəti 126 xəbər
- Atəşgah Sığorta 81 xəbər
- Alfa İnsurance 79 xəbər
- Paşa Həyat Sığorta 55 xəbər
Yazılı mətbuatda (qəzet və jurnallarda) bu sektorla əlaqəli 501 xəbər dərc edilib – konkret şirkət adları 21 xəbərdə əks olunub. Bu xəbərlərdən 1-i mənfi, 20-si isə neytral xəbərlərdir. Mənfi xəbər “Azərsığorta” şirkətinə (cəbhə bölgəsində həlak olan hərbçilərin ailələrinə sığorta pulunu ödəmir) məxsusdur.
Xəbər sayına görə sıralama:
- Beynəlxalq Sığorta Şirkəti 5 xəbər
- Paşa Həyat Sığorta 5 xəbər
- Dövlət Sığorta Kommersiya Şirkəti 3 xəbər
- AzSığorta ` 3 xəbər
Mart ayında televiziya kanallarında Alfa İnsurance (Sığorta) şirkətinə məxsus 1 neytral xəbər göstərilib.
Xatırladaq ki, Media Təqib Mərkəzi ölkədə mövcud olan bütün sahələrin analizini aparır. Monitorinq sahəsinə ölkədə dərc olunan 100-ə qədər qəzet və jurnal (o cümlədən, 35 gündəlik qəzet), elektron vasitələrdə yayımlanan 1400 sayt (o cümlədən, 450 gündəlik yenilənən sayt), 12 televiziya kanalı, 12 radio kanal və sosial şəbəkələr daxildirlər.