Əflatun Amaşov Cəmil Həsənlinin MŞ-dan uzaqlaşdırılmasının səbəbini açıqladı
19.07.2013
“Cəmil Həsənlini tapa bilmirdik”
Mətbuat Şurasının sonuncu qurultayında Cəmil Həsənli qurumun İdarə heyətindən kənarlaşdırılıb. Bunun səbəblərinə gəlincə isə bir müddət öncə məsələ ilə bağlı Moderator.az-a açıqlama verən C.Həsənli bildirmişdi ki, onsuz da onu son zamanlar bu qurumun iclaslarına dəvət etmirdilər.
Moderator.az C.Həsənlinin MŞ-dan uzaqlaşdırılmasının səbəblərini öyrənmək məqsədilə Mətbuat Şurasının sədri Əflatun Amaşova müraciət edib:
“Cəmil müəllim bizim görkəmli ziyalımızdır və bizim ona hər zaman böyük hörmətimiz olub. Onun MŞ-nın tədbirlərinə dəvət olunmamasına gəldikdə isə deməliyəm ki, son zamanlar biz ya onu tapa bilmirdik, ya da Cəmil müəllim iclaslarda özü iştirak etmirdi”.
