Əli Əliyevin sənədləri MSK-ya təqdim olundu
Bu gün Vətəndaş və İnkişaf Partiyasının (VİP) sədri, 11 aprel növbədənkənar prezident seçkilərində namizədliyi irəli sürülmüş Əli Əliyevin sənədləri Mərkəzi Seçki Komissiyasına (MSK) təqdim edilib.
VİP sədrinin müavini və bu seçkilərdə partiyanın səlahiyyətli nümayəndəsi təyin edilmiş Ramil Hüseynovun təqdim etdiyi sənədlər MSK-nın əməkdaşları tərəfindən yoxlanılaraq, qəbul olunub.
Seçki qanunvericiliyinə əsasən, MSK Əli Əliyevin namizədliyinin irəli sürülməsinə dair qərarı 5 gün ərzində qəbul etməlidir.
Qeyd edək ki, VİP sədri Əli Əliyevin prezidentliyə namizədliyi partiya Məclisinin bu il fevralın 18-də keçirilmiş iclasında irəli sürülüb.
Xural.com