Ən çox mənfi xəbər “Bakcell”in ünvanınadır…
Azərbaycanın bütün mediasınının monitorinqini aparan Media Təqib Mərkəzi 2016-cı ilin iyul ayı üzrə analiz işini yekunlaşdırıb.
Xatırladaq ki, Media Təqib Mərkəzi ölkədə mövcud olan bütün sahələrin analizini aparır. Monitorinq sahəsinə ölkədə dərc olunan 100-ə qədər qəzet və jurnal (o cümlədən, 35 gündəlik qəzet), elektron vasitələrdə yayımlanan 1400 sayt (o cümlədən, 450 gündəlik yenilənən sayt), 12 televiziya kanalı, 12 radio kanal və sosial şəbəkələr daxildirlər.
Media Təqib Mərkəzi mobil operatorlarla bağlı iyul ayı üzrə məlumatları təqdim edir.
2016-cı ilin iyul ayında elektron mətbuatda, yəni sayt və portallarda mobil operatorlarla əlaqəli 1041 xəbər yerləşdirilib. Bunlardan 29-u mənfi,1012-si isə neytral xəbərlərdir.
Mənfi xəbərlər: BakCELL (11 xəbər – Bakcell-in abunəçilərə qurduğu yeni tələ – fotofakt). AzerCELL (10 xəbər – Azərcell abunəçilərinin hüquqlarını pozur), Nar Mobile (8 xəbər – Azərfon MMC-də maliyyə fırıldaqları – araşdırma)
Xəbər sayına görə sıralama:
- AzerCELL 464 xəbər
- BakCELL 485 xəbər
- Nar Mobile 83 xəbər
- NaxTel 9 xəbər
Yazılı mətbuatda (qəzet və jurnallarda) bu sektorla əlaqəli 181 neytral xəbər dərc edilib.
Xəbər sayına görə sıralama:
- AzerCELL 87 xəbər
- BakCELL 87 xəbər
- Nar Mobile 6 xəbər
- NaxTel 1 xəbər
İyul ayında televiziya kanallarında mobil operatorlarla bağlı xəbər göstərilməib.
İyul ayında radio kanallarında mobil operatorlarla bağlı xəbər yayımlanmayıb.