ABŞ konqresmeni Ağ Evi Azərbaycana yeni səfir təyinatı üçün addım atmağa çağırdı

Congressman Dan Boren

09.02.2012

ABŞ Konqresi Nümayəndələr Palatasında Azərbaycan məsələləri üzrə işçi qrupunun həmsədri Don Boren bəyanatla çıxış edərək Ağ Evi Azərbaycana yeni səfir təyinatı üçün namizəd irəli sürməyə, Senatı isə onu təsdiqləməyə çağırıb.

Yanvarın 18-də etimadnaməsini Prezident Obamaya təqdim edən Azərbaycanın səfiri Elin Süleymanovu Vaşinqtonda salamlayan konqresmen həmkarlarına xatırladıb ki, Azərbaycandan fərqli olaraq, ABŞ-ın Bakıda səfir postu yenə də boşdur. O, deyib ki, bir il vakant qaldıqdan sonra Prezident Obama 2010-cu ildə Mətyu Brayzəni təsdiqlənmə prosesi ləngidiyinə görə səfir təyin etdi. Lakin, təəssüf ki, Senat onun namizədliyini səsə qoymadı və Brayzə bu yaxınlarda ABŞ-a qayıtdı.

Oklahomalı konqresmen vurğuladı ki, Azərbaycan ABŞ qoşunlarını Əfqanıstana vacib nəqliyyat marşrutu ilə təchiz edən və Xəzər hövzəsinin neft və qaz ehtiyatlarını Bakı-Tbilisi-Ceyhan kəməri ilə Aralıq bölgəsinə aparan əsas strateji tərəfdaşlardan biridir. Amerika-Azərbaycan münasibətlərinin vacibliyini nəzərə alaraq, bu ölkədə səfirin olmaması yolverilməzdir. Boren deyibr: “Biz, azsaylı müsəlman müttəfiqlərimizdən biri olan ölkə üçün düz olanı etməliyik.” O, həmkarlarına da Administrasiyanı Azərbaycana yeni səfir təyinatı üçün namizəd irəli sürməkdə tələsdirməyi, Senati isə ABŞ-ın milli təhlükəsizliyi maraqlarını nəzərə alaraq, tezliklə bu namizədliyin təsdiqinə çağırmağı məsləhət görüb.

XuralTAC

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button