Anar Məmmədlinin mədə ağrıları kəskinləşib

Vəkil Elçin Sadıqov: Onun müalicəsi və müayinəsi düzgün aparılmayıb

Dekabrın 22-də vəkil Elçin Sadıqov 13 saylı Cəzaçəkmə Müəssisəisəndə vicdan məhbusu Anar Məmmədliylə görüşüb. Bu barədə öz Facebook səhifəsində məlumat paylaşan vəkil deyib ki, jurnalist Əvəz Zeynallı onunla birlikdə görüşə getsə də, buraxılmayıb.

“13 saylı CÇM-nin yolları həmişəki kimi çox bərbad idi. Palçıqlı, daşlı, çala-çuxurlu yollardır. Bəzi yerlərdə yollardan daşları yığırdıq ki, avtomobilin altı sürtülməsin. Birtəhər gedib 13 saylı CÇM-ə çıxdıq. İkimizdə görüş üçün müraciət etdik. Mən vəkili, Əvəz isə dostu kimi. Əvvəl ikimizi də buraxmadılar. Mənə dedilər ki, sizin görüş məktubunuza İmran Tağızadə imza edib. O, indi penitensiar sistemdə işləmir. Ona görə buraxmırıq. Mən bunun qanunsuz olduğunu bildirdim və tələb etdim ki, rəhbərliklə danışsınlar. Vəzifəli şəxs hər dəfə dəyişəndə yenisindən yenə də icazə almaq lazım deyil. Rəhbərliklə məsləhətləşəndən sonra məni buraxdılar. Əvəz Zeynallını isə buraxmadılar”,-deyə vəkil qeyd edib.