Azərbaycan jurnalistlərinin VII qurultayı ilə bağlı proses davam edir:”Sənədləşmə işləri yekunlaşmaq üzrədir”

Azərbaycan jurnalistlərinin VII qurultayının keçirilməsi üzrə Təşkilat Komitəsi Ali Məclislə əlaqədar sənədləşmə işlərini yekunlaşdırmaq üzrədir.

Jurnalistlərinin VII qurultayının keçirilməsi üzrə Təşkilat Komitəsindən verilən məlumata görə, Mətbuat Şurasına (MŞ) üzv qurumların tədbirdə iştirak edəcək nümayəndələrinin siyahısı dəqiqləşdirilir. Eyni zamanda üzv təşkilatlar tərəfindən Mətbuat Şurasının İdarə Heyətində təmsil olunmaq üçün namizədlərin verilməsi prosesi də başa çatmaqdadır:

“Jurnalistlərin VII qurultayının keçirilməsi üzrə Təşkilat Komitəsi fevralın 5-dən bu günədək üzv təşkilatlarla təmaslar qurub, müvafiq məlumatlandırma işləri aparıb, təşkilatların MŞ İdarə Heyətinə seçilmək üçün qurultayda adları səsvermə bülleteninə daxil ediləcək namizədləri ilə bağlı anketlərinə cavablarını qruplaşdırıb.

Anketlərdə ən çox səs toplamış 24 jurnalist, 18 ictimaiyyət nümayəndəsi və 9 internet informasiya resursu təmsilçisi olan namizədin adının yer aldığı vahid seçki bülleteni tərtib ediləcək. İndiyədək qurultayda iştirak etmək üçün 170 təşkilatdan 205 nümayəndə qeydiyyatdan keçib”.(strateq.az)

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button