Azərbaycanda 1500-ə yaxın qaçqın və sığınacaq axtaran var
Azərbaycanda 1479 nəfər qaçqın və sığınacaq axtaran var. Bunu trend.az-a BMT-nin Qaçqınlar üzrə Ali Komissarlığının (QAK) Azərbaycandakı nümayəndəliyinin sahə məsələləri üzrə baş məsləhətçisi Elsevər Ağayev deyib.
Onun sözlərinə görə, qaçqın və sığınacaq axtaran şəxslərin çoxu əfqanlardır.
Mart ayının sonuna olan məlumata görə, Azərbaycandakı qaçqın və sığınacaq axtaran şəxslərin 722-si əfqan, 581-i çeçen, 80-i iranlı, 22-si pakistanlı, 17-si isə suriyalıdır. Qalan 57 nəfər qaçqın və sığınacaq axtaran şəxs isə digər dövlətlərindəndir.
