Azərbaycanda diabet xəstələrinin sayı artıb

Beynəlxalq Diabet Federasiyasının məlumatına görə, hazırda dünyada 300 milyon insan şəkərli diabetlə (ŞD) yaşayır. Böyük sürətlə artan bu xəstəlik ciddi sosial-tibbi problemlər yaradaraq, ölkələrin iqtisadiyyatına, ailələrin maddi durumuna kəskin təsir edir. Ümumdünya Səhiyyə Təşkilatının proqnozlarına görə, 2005-2030-cu illər ərzində diabetdən dünyasını dəyişənlərin sayı iki dəfə arta bilər. Xəstəlikdən ən çox yoxsul ölkələr əziyyət çəkir, belə ki, diabetə tutulanların 80 faizi aşağı və orta gəlirli dövlətlərdə yaşayır.
Azərbaycanda ŞD xəstəldiyi xeyli artıb. 01.01.2010-cu il vəziyyətinə görə respublikada 123 mindən çox ŞD xəstəsi var.
BMT-nin baş katibinin müraciətində qeyd olunur ki, «Erkən diaqnoz və effektiv müalicə vacibdir. Diabetə tutulan insanların informasiya, müalicə və ya insulin kimi həyati əhəmiyyətli dərmanları əldə edə bilmədiklərinə görə dünyalarını dəyişməsi qəbul olunmazdır. Hökumətlər mövcud olan bütün çatışmazlıqları aradan qaldırmaq üçün mümkün olan hər şeyi etməlidirlər ki, diabetli insanların həyat keyfiyyəti yaxşılaşsın, xəstəliyin ürək, qan-damarları, gözlər, böyrəklər və sinir sisteminə vurduğu ziyanın qarşısı alına bilsin.»
Bütün dünyada diabet xəstəliyinin çoxalması, diabetin profilaktikası və müalicəsi haqqında informasiya vermək təlabatı yaradır. KİV cəmiyyətin diabetlə bağlı məlumatlandırılmasında böyük rol oynayır. Novo-Nordisk kommunikasiya yolu ilə diabedin təqdimatını gücləndirmək üçün KİV-ə mükafat təsis edib.
Xatırladaq ki, Novo Nordisk şirkəti 2003-cü ildən diabet mövzusunun (tibbi aspektlər nəzərə alınmamaqla) mediada yüksək peşəkarlıqla işıqlandırılmasına maddi cəhətdən stimullaşdırmaq məqsədilə beynəlxalq mükafat təsis edib.
Dekabrın 8-də Avropa otelində Novo-Nordisk şirkətinin təşkil etdiyi «Media Pilize» adlı beynəlxalq müsabiqə layihəsinin təqdimatı keçirildi. Tədbiri Azərbaycan Diabet Cəmiyyətinin sədri M.Ömərova açıb. Mətbuat nümayəndələrinə verilən məlumata əsasən, «Media Pilize» aldlı beynəlxalq müsabiqənin mükafatı sayılan 2000 Avro məbləğini aşağıda göstərilən 3 nominasiyadan biri üzrə qalib olan jurnalist alacaq:
• Ən yaxşı telesüjet;
• Ən yaxşı məqalə (KİV-də dərc olunan);
• Ən yaxşı on-layn (internet) məqalə;
Müsabiqə iştirakçıları:
• Problem barədə məlumatlı olmalıdır (Müalicə, sağlamlıq problemləri, profilaktika və s.)
• Əsas KİV-də diabet barəsində yazısı dərc olunmalı və ya çıxış etməlidir.
• Müsabiqəyə 30 aprel 2011-ci ilədək dərc olunan yazı və çıxışlarını təqdim edə bilərlər.
• Diabet barəsində maraqlı, cəlbedici və unikal formada danışmalıdırlar.
• Məqalələri jürnalistlər yazmalıdır.
• Eyni gündə yazılmayan, silsilə formalı məqalə müsabiqəyə təqdim edilə bilməz.
Məqalələr, həmçinin internetdə yerləşdirilə bilər.
• On-layn nəşr olunan məqalələrin qiymətləndirmə kriteriləri də KİV-də dərc olunan məqalələrin qiymətləndirilməsi kimidir. (Jurnalistlərin yazdığı, mətbuatda dərc olunan məqalələr kimi)
• Məqalə yerli qəzet və ya jurnalın veb-saytında dərc edilməlidir.
• On-layn məqalə minimum 350 sözdən ibarət olmalıdır.
• On-laynda məqaləyə bir ay ərzində minimum 1500 dəfə baxılmalıdır.
KİV müsabiqəsinin quruluşu:
1. Milli müsabiqə Novo Nordiskin Azərbaycan nümayəndəliyi tərəfindən aparılır. Milli müsabiqənin qalibi avtomatik olaraq beynəlxalq müsabiqədə iştirak etməyə buraxılır.
2. Beynəlxalq müsabiqədə iştirak və mükafatlandırma mərasimləri Novo Nordisk şirkəti tərəfindən 2011-cci ilin sentyabr ayında Portuqaliyada keçirilir.
Hər iki müsabiqənin qalibləri müstəqil ekspert qruppu tərəfindən müəyyən olunur. Müsabiqədə iştirak etmək istəyən jurnalistlərdən qeydiyyat formasını doldurub, məqalə və ya telesüjetin sürəti ilə birlikdə aşağıda göstərilən ünvana göndərməkləri xahiş olunur:
Bakı, Az 1000
İçəri şəhər, Asəf Zeynallı 31/33
«Sahibtac» biznes mərkəzi 4-cü mərtəbə
Novo Nordisk şirkətinin Azərbaycan nümayəndəliyi

Xural Tac