Azərbaycanda inflyasiya 4% səviyyəsində olacaq”
İqtisadçıların proqnozları özünü doğruldur
“Bu ilin sonuna Azərbaycanda təxminən 4%-lik iqtisadi artım gözlənilir”.
Bu barədə “APA-Economics”ə İqtisadiyyat və Sənaye naziri Şahin Mustafayev bildirib.
Ş.Mustafayev əlavə edib ki, ilin sonuna inflyasiya 4% səviyyəsində olacaq.
Xatırladaq ki, Azərbaycanın 2016-cı ilin dövlət və icmal büdcələri üzrə layihələrin təqdimatında İqtisadiyyat və Sənaye Nazirliyinin hazırladığı makroiqtisadi proqnozlara əsasən, 2015-ci ilin sonuna ölkə üzrə ÜDM istehsalının 57,2 mlrd. manat təşkil edəcəyi gözlənilir ki, bu da 3,3% real artım deməkdir. Sənəddə qeyd olunub ki, bu göstəricilər ilkin müəyyən edilmiş proqnozlardan 3,9 mlrd. manat və 1,1 faiz-bənd aşağıdır.
Yeri gəlmişkən, Azərbaycan İqtisadiyyat və Sənaye Nazirliyi tərəfindən 2016-cı il və sonrakı üç il üçün hazırlanmış ölkənin iqtisadi və sosial inkişaf konsepsiyası və proqnoz göstəricilərinə əsasən, 2016-cı ildə ölkə üzrə real iqtisadi artım 1,8% olmaqla, ÜDM istehsalı 57,7 mlrd. manat təşkil edəcək.
Qeyd edək ki, 2015-ci ilin dövlət və icmal büdcələri üzrə layihələrin təqdimatında Azərbaycanda inflyasiyanın 2,3% həcmində olacağı proqnozlaşdırılıb.
İqtisadiyyat hesab deyil və nəhayət ki, müstəqil sayılan Azərbaycanın belə nazirliyi var. Ancaq, dövrüyyədə ABŞ dolları var ki, 15 ay öncə manatımız 0,78-i idi, indi sıçrayıb 1,55-də keçib. Adi hesabı sıxmaq, həmişə onun dalınca qaçmağa məcbur edir.