Azercell fəaliyyətini davam etdirir

Azercell Telekom MMC-dən mətbuata açıqlama gəldi

Mətbuatda Azercell şirkətində aparılan təhqiqatlarla bağlı hazırlanan məlumatlarda şirkətin fəaliyyətini dayandırması ilə bağlı ehtimallar yer alıb. Məsələyə münasibət bildirən Azercell-in korporativ ünsiyyət rəhbəri Nigar Şıxlinskayanın sözlərinə görə, “Azercell Telekom” MMC öz  fəaliyyətini olduğu şəkildə tam gücü ilə davam etdirir:

“Bəzi xəbər saytları tərəfindən dərc olunan yazıların heç bir əsası yoxdur. Ölkənin aparıcı mobil operatoru olan Azercell Telekom 4.5 milyonluq abünəçi ailəsinə ən yüksək səviyyədə mobil rabitə xidmətləri göstərir və 20 il ərzində olduğu kimi tam gücü ilə bazarda öz lider mövqeyini qoruyub saxlamaqdadır. Hazırda Azercell Telekom-a qarşı davam edən heç bir təhqiqat işi mövcud deyil, İsveç prokurorluğu Bloomberg agentliyinin istinad etdiyi Azərbaycana dair təhqiqat işini bu yaxınlarda bağlı elan etdi.

Bundan basqa 01 iyun 2016-ci il tarixindən qüvvəyə minən Lisenziyalar və icazələr haqqında Azərbaycan Respublikasının Qanununa uyğun olaraq, “Azercell Telekom” MMC-nin mövcud Lisenziyaları qeyri – məhdud müddətə uzadılmış hesab edilir”.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button