Baş konsul Rusiyada saxlanılan 200 azərbaycanlı haqda açıqlama verdi

soltan-qasimov

“Bakıdan gələn müğənni və meyxanaçılar, habelə həmin yığıncaqda iştirak edən qadın və uşaqlar polis bölməsinə aparılmayıb”.

Bunu Azərbaycanın Yekaterinburqdakı baş konsulu  bildirib.

Dünən Yekaterinburqdakı hadisənin təfərrüatları barədə danışan baş konsul martın 31-də gecə saat 01.00 radələrində telefonuna naməlum şəxs tərəfindən zəng gəldiyini söyləyib:

“Tanımadığım bir həmyerlimiz mənə Yekaterinburqdakı kafelərin birinə polisin basqın etdiyini, kafedə olanların hamısını, qadınları, uşaqları Mütəşəkkil Cinayətkarlığa Qarşı Mübarizə İdarəsinə apardıqlarını dedi. Mən tez iki konsulumla birlikdə Mütəşəkkil Cinayətkarlığa Qarşı Mübarizə İdarəsinə getdim. İdarənin rəisi Konstantin Stroqonov bizi yaxşı qəbul elədi. O, bizə hadisənin təfərrüatı barədə danışdı. Rəisin dediyinə görə, polis basqın zamanı qadın və uşaqları, o cümlədən Azərbaycandan gəlmiş musiqiçi və meyxanaçılara toxunmayıb. Saxlanılanların sayı 200-dən ya çox olar, ya da az. Rəis mənə kafedə çəkilən fotolardan ibarət faktlar göstərdi. Həmin fotolarda azərbaycanlıların üzərindən götürülən soyuq silah, narkotik maddələr və s. var idi. Rəisin dediyinə görə, həmin məclisdə bir nəfər özünü avtoritet elan etmək istəyirmiş. Həmin adam “ad günü” məclisi adı altında özünə əslində başqa məclis keçirirmiş. Mən rəisə qadınları və uşaqları onlardan ayırdıqlarına görə təşəkkürümü bildirdim. Stroqonov saxlanılanların hansısa cinayətdə əməlinin olub-olmaması yoxlanıldıqdan sonra sərbəst buraxılacağını söylədi”.

Азербайджанцы, задержанные в кафе

Apa.az

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button