Binalar yeni materiallarla üzlənəcək – FOTO
Bakıda binaların üzlənməsi üçün yeni materiallardan istifadə olunmağa başlanılıb
Mayın 20-dən Bakıda bəzi binaların üzlənməsi üçün yeni materiallardan istifadə olunmağa başlanılıb.
Report.az-ın əməkdaşları şəhərin Atatürk prospektində yerləşən binaların yeni – daş materiallarla üzlənməsi prosesini izləyib.
Üzlənmə ilə təmir-bərpa işləri davam etdirilən binaların qarşısından poliuretan üzlük materiallarının yığışdırılması və onların əvəzinə yeni üzlüklərin gətirilməsinə başlanılıb.
İş icraçısı Ramin Cəfərov bildirib ki, yeni üzlüklər İtaliya istehsalıdır: “Bizə dəqiq heç nə deməyiblər. Sadəcə, səhər saatlarından başlayaraq poliuretan materialları yığışdırıb, əvəzinə yeni materiallar gətiriblər. Bunlar İtaliya istehsalı olan yanmayan materiallardır”.