Daha bir ölkədə eynicinslilərin nikahlarına icazə verildi
İrlandiyada mayın 22-də keçirilmiş referendumda eynicinsli nikahların tərəfdarları qələbə qazanıb.
APA-nın “TASS”a istinadən verdiyi xəbərə görə, əhalinin 62 faizi eynicinsli nikahların rəsmiləşdirilməsini dəstəkləyib.
Beləliklə, İrlandiya ümumxalq səsvermə yolu ilə eynicinsli nikahları rəsmiləşdirən rəsmi olaraq ilk ölkə olub. Bu vaxtadək Aİ-də analoji qərarlar parlament səviyyəsində qəbul olunurdu.
Qeyd edək ki, eynicinsli nikahlar artıq Belçika, Danimarka, İspaniya, Niderland, Portuqaliya, Fransa, İsveç və Böyük Britaniyanın bir neçə bölgəsində leqallaşdırılıb.
