Deputatlığa namizədliyin irəli sürülməsinə start verildi
Prezident İlham Əliyevin Milli Məclisə seçkilərin vaxtını təyin etməsindən sonra Mərkəzi Seçki Komissiyası (MSK) qanunauyğun addımlar atmağa başlayıb.
xural.com aznews.az-a istinadən məlumatına görə, komissiyanın iclasında Milli Məclisə seçkilərin təqvim planı təsdiq edilib. Artıq deputatlığa namizədliyin irəli sürülməsinə start verilir. Namizədin qeydə alınması üçün zəruri olan seçki sənədləri sentyabrın 12-dən oktyabrın 2-si saat 18:00-dək dairə seçki komissiyalarına təqdim edilməlidir.
Seçkiqabağı təşviqatin aparılmasına isə seçkilərə 23 gün qalmış oktyabrın 9-da başlanılır. 31 oktyabr saat 08:00-da isə təşviqat dayandırılır.
Azərbaycanda Parlament seçkiləri V dəfə baş tutacaq.
MKS sədri Məzahir Pənahov isə bəzi beynəlxalq müşahidəçilərin ədalətsiz yanaşmasına iradlarını bildirib:
“Bunu heç kəs qeyri adi qəbul etməsin. Bu dünyanın hər bir ölkəsində olur və bizdə də yaşanır. Belə hal növbəti seçkilərdə də olacaq. Seçkilərin nəticələri çox obyektiv bir şəkildə qiymətləndiriləcək”.