DİN-dən Nemət Pənahlının saxlanılmasına reaksiya: “Xəbərdarlıq edildi…”
Daxili İşlər Nazirliyi (DİN) Nemət Pənahlının polis tərəfindən saxlanılmasına münasibət bildirib.
Nazirliyin mətbuat xidmətinin şöbə rəisi Orxan Mansurzadə bildirib ki, N. Pənahlı polis əməkdaşları ilə mübahisə etdiyi üçün saxlanılıb və xəbərdarlıq edildikdən sonra sərbəst buraxılıb.
Qeyd edək ki, AXCP sədri Əli Kərimlinin yaşadığı binanın qarşısında keçirilən hazırlanmış aksiyada iştirak edən gənclərin söyüşlər söyməsi, ədəbsiz təhqirlərə yol verməsi həmin binada yaşayan Milli Azadlıq Hərəkatının lideri Nemət Pənahlını haqlı olaraq qəzəbləndirib və o gənclərə onlarla ailənin yaşadığı binanın qarşısında təhqiramiz ifadələr işlətmələrinin doğru olmadığını deyib.
N.Pənahlının xanımı Həcər Pənahlının xural.com-a verdiyi məlumata görə, bundan sonra gənclərlə N.Pənahlı arasında yaranan mübahisə, sonunda onun polis tərəfindən saxlanılaraq yaşadığı evin qarşısından Nəsimi rayon Polis İdarəsinin 21-ci Polis Bölməsinə aparılmasına səbəb olub.