Hikmət Hacızadə Müsavatdan istefa verdi – ərizənin mətni
“Bu andan Qaranlıqlarla mübarizəmi təkbaşına davam edəcəm”
Müsavat Partiyasının tanınmış simalarından olan Hikmət Hacızadı bu təşkilatdan istefa verib. Musavat.com bu xəbəri Hikmət Hacızadənin Facebookdakı statusuna əsasən yayır.
İstefa ərizəsinin mətni qısadır və bu cürdür:
“Müsavat Partiyasının
Təşkilat Şöbəsinə
Hikmət Hacızadədən
İSTEFA ƏRİZƏSİ
Yazıb sizə bildirirəm ki, partiyamızda Söz Azadlığının kobud və birtərəfli pozulmasına və fərqli fikrə düzümsüzlük kampaniyasına etiraz olaraq Müsavat Partiyasının üzvlüyündən istefa verirəm. Partiyada qalan qəlbən azad və fədakar insanlara mübarizələrində uğurlar arzulayıram. Bu andan Qaranlıqlarla mübarizəmi təkbaşına davam edəcəm.
Sayğılarla
Hikmət Hacızadə
Bakı 17.11.2014″
