“İhlas” xəbər agentliyinin işdən çıxarılan Moskva müxbirindən sensassiyalı açıqlamalar
Türkiyənin “İhlas” xəbər agentliyinin Moskva müxbiri, son günlər Rusiya telekanallarında Azərbaycanın maraqlarını müdafiə edən Fuad Abbasov işdən çıxarılıb.
Bunu jurnalistin özü Facebook-da yazıb.
Fuad Abbasovun yazdığına görə, agentlik ona məktub yollayıb və işdən azad edildiyini elan edib:
“Mənə göndərilən məktubda işlərin qaydada getməməsi əsas gətirilib. Amma hansı işlərdən söhbət getdiyini başa düşmədim. Son 6 ay ərzində Rusiyanın müxtəlif qəzet, internet mətbuatı, radio və televiziyalarında 50-dən çox çıxışım olub və heç bir qarşılıq gözləmədən Su-24 böhranından sonra Türkiyənin mövqeyinin Rusiyada müdafiə etmək başlıca “işim” olub. Burdakı məsləkdaşlarımdan ən çox eşitdiyim tənbeh isə “ “Boş ver Rusiya-Türkiyə ilişkilərini, işindən atılırsın, kimsə sənə sahip çıxmaz”, – sözləri idi”.
Fuad Abbasov iddia edir ki, onun işdən çıxarılması Rusiyanın sifarişi olub:
“Xəbər agentliyimizin içində çox güvəndiyim insanlardan Rusiyadakı işimə son verilməsi qərarının Moskvadan gələn tələb əsasında olduğunu öyrəndim”.
Musavat.com
Fuad qardasimiza halal olsun o öz vetendasliq borcunu yerine yetirerek dövletimizi xalqimizi layiqince müdafie edib indide bizim dòvlet ona sahib cixib yardim etmelidimen dövletimize Prezidenimize güvenirem ve inaniram ki öz vtendasina yardim edecek hemseki kimi