İlqar Məmmədov və Tofiq Yaqublunun məhkəməsi təxirə salınıb

Xural.com report.az-a istinadən xəbər verir ki, bu barədə vəkil Nemət Kərimli məlumat verib.

Səbəb kimi təqsirləndirilən şəxslərin məhkəməyə gətirilməməsi göstərilib. Məhkəmənin növbəti prosesinin vaxtı yaxın müddətdə açıqlanacaq.

Qeyd edək ki, İ.Məmmədov və T.Yaqublu 2013-cü ilin yanvar ayının 24-də İsmayıllıda baş vermiş kütləvi iğtişaşların təşkilində ittiham olunublar. Şəki Ağır Cinayətlər Məhkəməsinin hökmü ilə İ.Məmmədov 7 il, T.Yaqublu isə 5 il müddətinə azadlıqdan məhrum ediliblər. Hökmdən narazı qalan təqsirləndirilən şəxslər apellyasiya şikayəti Şəki Apellyasiya Məhkəməsinə müraciət ediblər. Məhkəmə apellyasiya şikayətlərini təmin etməyib. Bundan sonra İ.Məmmədov və T.Yaqublu kassasiya şikayəti veriblər.

Ali Məhkəmə kassasiya şikayətinə baxaraq işi təkrar baxılması üçün Şəki Apellyasiya Məhkəməsinə göndərib.