İstanbulda “21-ci Türk Uşaq Şöləni” – FOTOLAR
Türkiyənin mədəniyyət paytaxtı İstanbul, bu günlərdə maraqlı bir tədbirə ev sahiblik edir. Türk Dünyası Araşdırmaları Vəqfinin təşkilatçılığı ilə baş tutan bu tədbir “21-ci Türk dünyası uşaq şöləni” adlanır. 21 ildir davam edən bu mədəniyyət hadisəsi 10 gün davam edəcək. Türk dünyasının müxtəlif bölgələrindən gələn uşaqlar dünən İstanbulun Bakırköy azadlıq meydanında toplanıblar. Tədbirdə iştirak edən könüllü tələbələr ürəyi türklük eşqi ilə çırpınan insanlar tərəfindən müsafir edildilər. Bu insanlardan biri də İstanbulda yaşayan və fəaliyyət göstərən azərbaycanlı araşdırmaçı-yazar Gülarə Yeniseydir. O, 3 başqırd balacanı 10 gün evində dəvət edəcək.
xural.com-un İstanbuldakı əməkdaşının verdiyi məlumatlara görə, 21 ildir toplanan bu şölənin 23 aprel Uşaqlar bayramından fərqi var. 23 aprel bütün dünya uşaqlarının Türkiyədə keçirdikləri şöləndirsə, bu tədbir yalnız Türk ölkə və cəmiyyətlərindən gələn uşaqlara aiddir. Yəni bu şölən Türk balalarının bayramıdır.
Tədbirdən çəkilən fotoları təqdim edirik: