MC&S-in media monitorinq qrupu yeni hesabatını açıqladı
XuralTAC-a daxil olan məlumata əsasən, MC&S-in media monitorinq qrupu 01-30 aprel 2015-ci il dövrü üzrə məlumatların hesabatına yekun vurub.
Media monitorinqin əhatəsinə daxil olan məlumatlar say, xarakter və məzmun üzrə təhlil olunub, sektorlar üzrə şirkətlərin media reytinqi hesablanıb.
Qeyd edək ki, Şirkətin media monitorinq qrupu 10 Televiziya, 55 çap və 170 on-line media daxil olmaqla 215-dən çox mənbəni izləyir. Şirkət hazırda 20 sektorun, o cümlədən Enerji-yanacaq, Telekommunikasiya, Bank, Sığorta, Otelçilik və Turizm, İnşaat, Ərzaq, Tibb, İçki, Avtomobil, Təhsil və sair sahələrin media monitorinqini aparır.
Aparıcı 5 sektor üzrə adı mediada ən çox adı hallanan qurumları təqdim edirik. Məlumatların sayına görə mobil rabitə şirkətləri arasında Azercell (878 məlumat), banklar arasında ABB (1056 məlumat), sığorta şirkətləri arasında AXA MBASK (155 məlumat), ali məktəblər arasında BDU(1069 məlumat), otel və biznes mərkəzləri arasında Fairmont Baku(125 məlumat) irəlidədir.