Milli Məclisin iclası təxirə salındı
Milli Məclisin mayın 8-nə təyin olunan plenar iclası təxirə salınıb. Parlamentin mətbuat xidmətinin rəhbəri Akif Təvəkküloğlu bildirib ki, deputatların xeyli hissəsi xarici ölkələrdə ulu öndər Heydər Əliyevin anadan olmasının 92-ci ildönümü ilə bağlı keçirilən tədbirlərdə iştirak edəcək. “Bir hissəsi isə 9 May Qələbə Günü ilə bağlı mərasimlərə qatılacaq. Bu səbəbdən də Milli Məclisin mayın 8-nə təyin olunan plenar iclasının mayın 15-də keçirillməsini məqsəduyğun hesab etdik” – deyə Akif Təvəkküloğlu bildirib. O, əlavə edib ki, iclasın gündəliyinə əlavələr edilməsi də gözlənilir. Qeyd edək ki, mayın 8-nə nəzərdə tutulan iclasının gündəliyinə 5 məsələ – “Reklam haqqında”, “Azərbaycan Respublikasının Mərkəzi Bankı haqqında”, “Qiymətli kağızlar bazarı haqqında” qanunlara və Mülki Məcəlləyə dəyişiklik edilməsi, “Vətəndaşların müraciəti haqqında” qanun layihəsinin ikinci oxunuşda müzakirəsi daxil idi.