Natiq Adilov Sərdar Cəlaloğluna cavab verdi-VİDEO

Natiq Adilov

AXCP mətbuat xidmətinin rəhbəri

AXCP mətbuat xidmətinin rəhbəri, hazırda Fransada mühacirət həyatı yaşayan Natiq Adilov Əvəz Zeynallının “Qaynar Qazan” layihəsində qonaq olan Azərbaycan Demokrat Partiyasının sədri Sərdar Cəlaloğlunun müsahibəsinin yayınlanan I hissəsində söylədiyi fikirlərə özünün bloqunda münasibət bildirib. Xural.com olaraq Natiq Adilovun bloq yazısını olduğu kimi Oxucularımızın diqqətinə təqdim edirik:

 

ADP sədri yoldaş Sərdar Cəlaloğlu “Nobel” mükafatı iddiasındadır. Burda pis bir şey yoxdur, ancaq hiss olunur ki, “Nobel” ona yox, başqalarına nəsib olduqca, Sərdar bəy elmi intizamın gücləndirmək yerinə, atını minib tərsə çapır.
Məsələn, bayaq onun Əvəz Zeynallıya verdiyi müsahibəyə baxıram. Özünün ölkə və dünya çapında fəal siyasətçi olduğunu sübut etmək üçün Sərdar Cəlaloğlu dedi ki… Yaxşısı budu özün dinləyək, balaca videodu:

Dinlədinizmi? Ola bilər sizin googledə reytinqi necə müəyyən etməklə bağlı bilgiləriniz azdı, ona görə Sərdar bəyin dediklərindən bir şey başa düşməyəsiniz, yaxud da ona inanıb deyəsiniz “əhsən”!

Problem ondadır ki, Sərdar Cəlaloğlu özünün fəal siyasətçiliyin tamami ilə havadan götürülən “faktla” əsaslandırmaq istəyir.
Birincisi, Müsavat partiyasının yaydığı (yayıb-yaymadığı və nə zaman yaydığı şübhəlidir) həmin məqalənin etibarlılığına biz haradan əmin olmalıyıq? Müsavat partiyası, yaxud bir başqa partiya cəmiyyət üçün etalon ola bilməz axı.
İkincisi və ən mühümu. Googlenin belə bir xidməti doğrudan da var.  Mən indi onun da sizə linkini lap sonda təqdim edəcəm, özünüz girib Sərdar bəyin də, digər siyasətçilərimizin də reytinqini orda yoxlayacaqsınız. Googlenin bəhs etdiyimiz reytinqi sizin adınızın axtarış sistemində nə qədər axtarışa verildiyini göstərir, başqa heç nəyi. Sərdar bəyi məyus edərək deməliyik ki, onun adı axtarış siyasısında heç də favorit deyil. Əli Kərimli, Sərdar Cəlaloğlu, Arif Haclı və İsa Qəmbrin adını sistemə daxil edib nəticələrə baxanda asanca görünür ki, son bir ildə google axtarış sistemində ən çox axtarılan, oxucuları maraqlandıran AXCP sədri Əli Kərimli olub.
Məlum qrafiki görçək və incələmək üçün BURANI VUR
Xülasə, ümidvaram ki, Sərdar Cəlaloğlu yuxarıda səsləndirdiyi fikirləri ictimaiyyəti aldatmaq üçün belə deməyib. Sadəcə özü haradansa qulağına çatan həmin əfsanəyə ciddi formada inanıb. Olan şeydi, dahilərdə belə problemlər olur, məsələn, bildiyimiz kimi Nyuton ana və bala pişik üçün evinin qapısında iki deşik açmışdı, böyük və kiçik. Halbuki böyük deşikdən bala pişik də keçə bilərdi.
Xural.com

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button