Nazirlər Kabineti hesabat verəcək

Milli Məclisin martın 15-də keçiriləcək plenar iclasının gündəliyi təsdiqlənib.

Xural.com-un apa.az-a istinadən verdiyi xəbərə görə, Milli Məclisdən bildirilib ki, iclasda Azərbaycan Respublikası Nazirlər Kabinetinin 2015-ci ildə fəaliyyəti haqqında hesabatı dinləniləcək.

İclasda həmçinin, “Lisenziyalar və icazələr haqqında” qanun layihəsi 3-cü oxunuşda, “Tikinti və infrastruktur obyektləri ilə əlaqədar investisiya layihələrinin xüsusi maliyyələşmə əsasında həyata keçirilməsi haqqında” qanun layihəsi 2-ci oxunuşda müzakirəyə çıxarılacaq.