“Neftçi”nin sabiq futbolçusu meydançada öldü
Malayziya çempionatında ölüm hadisəsi baş verib. xural.com apa-ya istinadən xəbər verir ki, “T-Team” klubunda çıxış edən nigeriyalı müdafiəçi David Oniya “Keltan”la qarşılaşma zamanı meydançada vəfat edib.
Matçın 3-cü dəqiqəsində huşunu itirərək yerə yıxılan müdafiəçi tez xəstəxanaya çatdırılsa da, onun həyatını xilas etmək mümkün olmayıb. Xatırladaq ki, 30 yaşlı futbolçu bir müddət Azərbaycan çempionatında da çıxış edib.
O, 2004-2007-ci illər arasında “Neftçi” klubunda meydana çıxdığı 74 oyunda 2 qol vurmuşdu.