Penoplastla üzlənən məktəbi də “soydular”…
Prezidentin tapşırığına əsasən, Bakı şəhərində yanmaya həssas penoplast və poliuretan materiallarla üzlənmiş yaşayış binalarının fasadlarının sökülməsi işləri geniş miqyas alıb.
Bu gün səhər saatlarından paytaxtın mərkəzində, metronun “Gənclik” stansiyasının yaxınlığında yerləşən 200 saylı orta məktəbin də fasadının sökülməsinə başlanılıb. İş icraçıları hadisə yerində olan əməkdaşımıza bildiriblər ki, sən demə ötən il əsaslı təmir olunmuş 200 saylı məktəbin binasın və eyni zamanda onun yeni tikilmiş əlavə korpusunu da yanmaya həssas poliuretan materialla üzləyiblər.
Binqədidəki dəhşətli yanğından sonra 200 saylı məktəbin binasının də üzlüyünü sökməyə qərar veriblər.
200 saylı ümumutəhsil müəssisəsi Bakıda şagird sayına görə ən böyük məktəblərdən biridir.
Fövqəladə Hallar Nazirliyti bir neçə gün öncə bəyan edib ki, ölkədə bu qəbildən olan 263 bina var və onların mühafizəsi gücləndirilib. Belə məlum olur ki, həmin binalar arasında yaşayış binaları ilə yanaşı, təhsil müəssisələri – məktəb və bağçalar da var.
modern.az
