Prezident məmuru işdən çıxardı
Prezident İlham Əliyev Dövlət Bayrağı Meydanı Kompleksi İdarəsinin rəisini tutduğu vəzifədən çıxarıb.
XuralTAC xəbər verir ki, prezidentin sərəncamı ilə Rəşad Rəfael oğlu Məmmədov Azərbaycan Respublikasının Nazirlər Kabineti yanında Dövlət Bayrağı Meydanı Kompleksi İdarəsinin rəisi vəzifəsindən azad edilib.
Xatırladaq ki, Rəşad Rəfael oğlu Məmmədov prezidentin sərəncamı ilə 2011-ci il aprelin 27-də bu vəzifəyə təyin olunmuşdu.