Səfər Əbiyevdən təkzib gəldi
04.02.2015
Sabiq nazirin yaxın adamları yazılanları yalanladı
Xural.com saytında Türkiyəli yazarımız , Azərbaycan Lobbi Klubunun sabiq başqanı, doktor Yahya Taşdelenin sabiq Müdafiə naziri Səfər Əbiyev haqqında yazdığı “General Sefer Ebiyevin yapdığı siyasi bir skandaldır…” adlı köşə yazısı yayımlanıb (https://www.xural.com/?p=19364 ) .
Yazı yayınlanandan sonra Səfər Əbiyev cinahından müxtəlif xəbərlər almağa başladıq. Sabiq nazirə yaxın mənbələrdən verilən məlumata əsasən, Səfər Əbiyev Çexiyada yaşamır və hazırda Azərbaycandadır . Adının çəkilməsini istəməyən mənbənin bildirdiyinə görə, Səfər Əbiyev, haqqında yazılanların əksinə olaraq hər zaman Azərbaycan dövlətinə sadiq olub: “ Əgər bundan sonra da lazım gələrsə, Azərbaycan dövlətinə xidmət etməyə hazırdır. Heç bir yerə getməyib. Heç bir dövlətin vətəndaşlığını qəbul etməyib. Azərbaycanı da çox sevir. Yəhya Taşdelen kimi təcrübəli bir dövlət xadimi gərək bunları biləydi və yazısında əsaslandırılmamış məlumatlar yazmayaydı”.
Xatırladaq ki, haqqında danışılan köşə yazısında Səfər Əbiyev prezidentin sərəncamı ilə müdafiə naziri vəzifəsindən çıxarıldıqdan sonra Avropa dövlətlərindən birində, konkret olaraq Çexiyada yaşadığı bildirilmişdi.
XuralTAC