Səfiyə Qarabaği Zəncanda həbs edilib

İran Azərbaycanının Zəncan şəhərində yaşayan türk fəal və qadın haqları müdafiəçisi Səfiyə Qarabağinin İranın təhlükəsizlik qüvvələri tərəfindən saxlanıldığı bildirilir.

Sosial mediada yayımlanan xəbərlərə görə, Ettelaat məmurları onu bu gün səhər saatlarında saxlayıblar.

Səfiyə Qarabağinin həyat yoldaşı Ruzbeh Səadəti öz Facebook səhifəsində olayı belə təsvir edib:

“Göründüyünə görə, tutulduqdan sonrakı bir neçə saatda Ettelaat idarəsində saxlayıblar. Sonra, üç məmur evi təftiş üçün gəldilər. Səfiyəni gətirmişdilər. Evi axtarıb, laptop, bir neçə dəftər və kitab, eləcə də şəxsi sənədləri alıb apardılar.”

Səadəti həyat yoldaşının “rejimə qarşı təbliğat” fəaliyyəti, “ictimai rəyi azdırmaq” və “yalan məlumat yaymaq” ittihamı ilə tutulduğunu bildirib.

“Bir neçə kəlmə söhbət edə bildik. İttihamların rejimə qarşı təbliğat, ictimai rəyi azdırmaq və yalan məlumat yaymaq olduğunu dedi. İndi durumundan xəbərsizəm,” Səadəti Facebook səhifəsində qeyd edib.

Səfiyə Qarabağinin fəaliyyətləri qadın hüquqları, qadına qarşı zorakılıq, İran qanunlarında gender bərabərsizliyinə zəmin yaradan məqamlar, habelə türk dil hüquqlarına dair yazılar yayımlayıb və toplumda maarifləndirmə işləri aparıb.

 

Amerikaninsesi.org

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button