Sərnişin avtobus sürücüsünü bıçaqladı

bicaq04.05.2015
Bakıda bıçaqlanma hadisəsi baş verib

xural.com APA-nın məlumatına əsasən xəbər verir ki, Xətai Rayon Polis İdarəsindən verilən məlumata görə, hadisə Mirzə Davud küçəsi 11 ünvanında qeydə alınıb.

1972-ci il təvəllüdlü Pərviz Ramiz oğlu Məlikovun idarə etdiyi, 60 saylı xətt üzrə hərəkət edən “Daewoo” markalı sərnişin avtobusda sürücü ilə avtobusun sərnişini 1981-ci il təvəllüdlü Vüqar Maarif oğlu Mehdiyev arasında “Neftçilər” metro stansiyasının yaxınlığında insident yaşanıb.
Sərnişinlə sürücü aralarında baş verən insidentə aydınlıq gətirmək üçün Xətai rayonunda yerləşən “Elektrotok” qəsəbəsi ərazisində, 60 saylı sərnişin avtobusunun sonuncu dayanacağında görüş təyin ediblər.
Hadisə yerinə tanışı Elnur Elxan oğlu Məmmədovla gələn sərnişinlə dayanacaqda olan sürücülər arasında dava baş verib. Müxtəlif bədən xəsarəti alan E. Məmmədov sürücü P. Məlikova bıçaqla xəsarət yetirib.
P. Məlikov müxtəlif bədən xəsarəti ilə xəstəxanaya yerləşdirilib.
Həyata keçirilən əməliyyat axtarış tədbirləri nəticəsində E. Məmmədov və V. Mehdiyev tutulub. Faktla bağlı araşdırma aparılır.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button