Sığorta şirkətlərindən biri digərini məhkəməyə verib
“Azərbaycan Sənaye Sığorta” ASC “Ata Sığorta” ASC-ni məhkəməyə verib.
“Report”un xəbərinə görə, 1 saylı Bakı İnzibati-İqtisadi Məhkəməsinə müraciət edən “Azərbaycan Sənaye Sığorta” ASC ödənilmiş sığorta ödənişinin geriyə tələb edilməsi barədə tələb irəli sürüb.
Məhkəmə iddianı təmin edib.
Qərardan narazı qalan “Ata Sığorta” ASC apellyasiya şikayəti verib. Bakı Apellyasiya Məhkəməsi isə birinci instansiya məhkəməsinin qətnaməsini ləğv edib. Məhkəmə “Azərbaycan Sənaye Sığorta” ASC-nin iddiasını təmin etməyib.
