Tehran stadionunda çağırış: Azərbaycan var olsun! – VİDEO
Təbrizin məşhur “Traktor” futbol klubu daha bir qürurverici uğura imza atıb. Belə ki, Tehranın “Azadi” stadionunda bu şəhərin “İstiqlal” klubu ilə “Traktor” klubu arasında keçirilən görüş “Traktor”un qələbəsi ilə sona çatıb.
İran super liqasının 29-cu həftəsində keçirilən görüşdə, “İstiqlal” komandası “Traktor”un vurduğu 4 qol qarşısında yalnız 1 qol vura bilib.
“Traktor” tərəfindən Saman Nəriman Cahan 7, 56, 87-ci və Lusanyo Edinyo 45-ci dəqiqələrdə qol vurublar. “İstiqlal” tərəfindən vurulan tək qol isə Ümid İbrahimi tərəfindən 29-cu dəqiqədə vurulub.
Bununla da “Traktor-İstiqlal” görüşü (4 – 1) hesabı ilə Azərbaycan klubunun xeyrinə yekunlaşıb. Bu nəticədən sonra 57 xalla liqa cədvəlinin 1-ci pilləsində olan “Traktor”, öz yerini daha da möhkəmləndirib.