Telekanallarda yoxlama – Qulu Məhərrəmlidən açıqlama

Azərbaycan Milli Elmlər Akademiyasının (AMEA) Dilçilik İnstitutu Azərbaycan telekanallarında efirə gedən mahnıların mətnləri ilə bağlı araşdırmalar aparacaq.

Strateq.az xəbər verir ki, bunu Trend-ə institutun Monitorinq şöbəsinin müdiri Qulu Məhərrəmli deyib. Mahnı mətnləri ilə bağlı çoxlu narazılıqların olduğunu bildirən Q.Məhərrəmlinin sözlərinə görə, bəzən televiziyalar mahnının sözlərinə əhəmiyyət vermədən, məsuliyyət hiss etmədən mahnıları efirə buraxırlar. Nəticədə isə dilin normaları pozulur: “Bəzən təəccüblənirsən ki, şair şeirdə bunu bu şəkildə yazıb, bəstəkar ona fikir vermədən bu şəkildə bəstələyib, müğənni də başqa şəkildə oxuyur. Nəticədə ortaya əcaib şeylər çıxır”.

Q.Məhərrəmli qeyd edib ki, mahnı mətnləri ilə bağlı monitorinqlərin aparılması mürəkkəb proses olduğundan onu Bəstəkarlar İttifaqı ilə birgə, mütəxəssislərin iştirakı ilə aparmağı nəzərdə tuturlar.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button