Tural Abbaslının evi yağmalandı
Vicdan məhbusunun anası, qardaşları və müxalifət fəalları həbs edildi, dəyəri 20 min manatdan artıq ev əşyaları talan edildi
Bu gün saat 23: 00 radələrində vicdan məhbusu Tural Abbaslının evi sökülməyə başlayıb. 60-dan artıq polis və mülki geyimli şəxs binanın sakinlərinə hücum edib. Əməliyyata Nəsimi Rayon Polis İdarəsinin rəis müavini Süleyman Nemətov rəhbərlik edib. Polislər Tural Abbaslının anası Başxanım Abbaslını, qardaşları Toğrul və Teymuru, Müsavat Gənclər Təşkilatının üzvləri Tural Hacıbəyli, Abid Süleymanlını, AXCP üzvləri Dəyanət Babayevi və Əliriza Muxtarı həbs edərək 21- ci Polis Bölməsinə aparıblar. B. Abbaslinin verdiyi məlumata görə, binanın digər sakinləri polis vəhşiliyindən qorxaraq mənzillərini qoyaraq qacıblar. B. Abbaslının sözlərinə görə, bina sökülür. Polislər isə Abbaslı ailəsinin ev əşyalarını mənzildən çıxarmağa imkan vermir. T. Abbaslının anasının bildirdiyinə görə, mənzildən mebeli, paltaryuyan maşını, kitabları, kondisioneri, xalçaları, servizləri, pərdələri, hamam ləvazimatını, qış üçün tədarük edilən mürrəbələri və digər konservləri çıxarmağa imkan verməyiblər.
Əfqan MUXTARLI
Polislərimiz yəqin İrəvana hüçümü məşq edirlər, barəkallah!