Ukrayna «Qazprom»dan 16 milyard dollar tələb edir
- 02.05.2015
Ukrayna «Naftoqaz»ının Rusiyanın «Qazprom»una qarşı Stokholm arbitrajında qaldırdığı iddia tələbləri 16 milyard dollardan çoxdur. Bu haqda mayın 1-də Ukraynanın baş naziri Arseniy Yatsenyuk facebook səhifəsində yazıb.
İddialar Rusiya qazının alınması və tranziti ilə bağlı müqavilələrə aiddir. Baş nazir yazır ki, tranzit müqaviləsi Ukraynaya münasibətdə ədalətsizdir və «Qazprom» «Naftoqaz»a dəyən zərərə görə 10 milyard dollardan artıq kompensasiya ödəməlidir. «Qazprom»un nümayəndəsi Sergei Kupriyanov baş nazirin dediklərini şərh edərkən bildirib ki, Rusiya konserninin «Naftoqaz»a qarşı kompensasiya tələbi Kiyevin Moskvaya iddialarından çoxdur. Amma konkret rəqəm açıqlanmır.
