Xarici Kəşfiyyat Xidmətinin 38 yaşlı rəisi
Prezident İlham Əliyevin fərmanı ilə bu gün Milli Təhlükəsizlik Nazirliyinin bazasında yaradılan Xarici Kəşfiyyat Xidmətinin rəisi vəzifəsinə təyin olunmuş Orxan Sultanov Azərbaycan XİN sistemindəki işindən sonra MTN-in Xarici Kəşfiyyat İdarəsində işə qəbul edilib.
Virtualaz.org saytının əldə etdiyi məlumata görə, Orxan Sultanovun tərcümeyi-halı barədə o qədər geniş məlumat olmasa da, yalnız bu məlumdur ki, o, 1977-ci ildə Bakı şəhərində anadan olub. Bundan əlavə, O.Sultanov peşəkar MTN zabitidir.
O, 2007-2011-ci illər ərzində Azərbaycanın Böyük Britaniyadakı səfirliyinin humanitar məsələlər üzrə I katibi vəzifəsində çalışıb.
O.Sultanovun XİN sistemindən uzaqlaşandan sonra hansı sahədə çalışdığı bəlli deyil.
