Zəhərlənməyə qarşı məlhəm
Zəhərlənmə zamanı mədə toksinlərdən tam təmizlənmir. Zəhərli maddələri mədədən tamamilə uzaqlaşdırmaq mütləqdir. Axşam.az xarici mətbuata istinadən mədəni toksinlərdən təmizləyəcək qarışıq təqdim edir: Bunun üçün sizə bal, qara çay, alma sirkəsi, qurudulmuş alma və limon lazımdır.
Çayı dəmləyin. İçərisinə xırda doğranmış quru alma əlavə edin. 5 dəqiqə saxladıqdan sonra üzərinə 2 xörək qaşığı alma sirkəsi və 1 xörək qaşığı bal töküb qarışdırın (allergiyası olanlar baldan istifadə etməməlidir). Çay çox isti olmamalıdır, çünki bal öz keyfiyyətini itirər. İçərisinə 1 dilim limon atıb qarışdırın. Bu məlhəmdən səhər yeməyindən sonra (və ya axşam yatmazdan əvvəl) 1 stəkan içmək bədəndəki bütün zəhərləri təmizləyəcək.
xural.com
