Ziyalılardan Əlizadə Aysel Alim qızına dəstək

Azərbaycanın, aralarında yazıçıların, şairlərin, jurnalistlərin, politoloqların, iqtisadçıların, bəstəkar və müğənnilərin olduğu bir neçə tanınmış ziyalısı deputatlığa namizəd Aysel Əlizadəyə dəstək bəyanatı verib. Namizədin seçki qərargahından musavat.com-a daxil olmuş həmin müraciət-bəyanatı təqdim edirik:

“Biz, imzası olanlar 8 saylı Binəqədi 1-ci seçki dairəsindən deputatlığa namizəd yazıçı, publisist Aysel Əlizadəni qarşıdan gələn 01 Noyabr 2015-ci il tarixinə təyin olunmuş Azərbaycan Respublikasının Milli Məclisinə seçkilərdə dəstəkləyir və onu deputat kimi görmək arzusunda olduğumuzu bəyan edirik. Qeyd olunan dairədə səsvermə hüququ olan vətəndaşları sosial-siyasi yüklü proseslərdə fəal iştirakçı olmağa çağırır, seçim edən zaman Aysel Əlizadəyə verdiyimiz önəmi nəzərə almalarını xahiş edirik. Ayselin millət vəkili seçilməsi Azərbaycan mədəniyyətinin – ədəbiyyatın, jurnalistikanın, televiziya sahəsinin, ümumilikdə maarifçiliyin inkişafı istiqamətində görülən işləri daha da irəliyə apara, ictimai xadimlərin, ziyalıların, yaradıcı adamların vətəndaş cəmiyyəti quruculuğunda iştirakını gücləndirə bilər.

1. Qulu Məhərrəmli – əməkdar jurnalist, professor

2. Rafiq Hüseynli – diktor, xalq artisti, professor

3. Sənubər İsgəndərli – xalq artisti

4. Kamran Nəzirli – yazıçı, tərcüməçi

5. Nəriman Əbdülrəhmanlı – yazıçı, tərcüməçi

6. Baba Vəziroğlu – şair, əməkdar incəsənət xadimi

7. Hikmət Hacızadə – politoloq, ictimai xadim

8. Qubad İbadoğlu – iqtisadçı alim

 9. Vaqif Əsədov – xalq artisti, rejissor

10. Niyazi Mehdi – fəlsəfə elmləri doktoru-filosof

11. Musa Yaqub – şair, ictimai xadim

12. Lalə Məmmədova – mügənni, əməkdar artist

13. Qan Turalı – yazar

14. Kənan Hacı – yazar

15. Fuad Poladov – xalq artisti

16. Fərid Hüseyn – şair

17. Esmira Fuad – yazıçı, alim

18. Firudin Qurbansoy – astroloq, filologiya elmləri namizədi

19. Şəhriyar del Gerani – şair

20. Azər Ayxan – “Yeni Musavat” qəzeti baş redaktorunun birinci müavini

21. Kəmalə Abiyeva – şairə, pedaqoq

22. Əvəz Zeynallı – jurnalist, “Xural”qəzetinin baş redaktoru

23. Sahilə İbrahimova – yazar

24. Rəbiqə Nazimqızı – yazar, şair

25. Paşa Qəlbinur – şair, professor

26. Həmid Herisçi – yazıçı, teleaparıcı

Bütün dostları Əlizadə Aysel Alim qızının namizədliyini dəstəkləməyə çağırırıq. Siyahıya qoşulmaq istəyənlər seçki qərargahımızın aşağıdakı ünvanlarına müraciət edə bilərlər:

aysel.alizade@gmail.com

https://www.facebook.com/AlizadeAysel”