Əli Əliyevdən ritorik suallar: “10 milyonun içində kimlər var?!”
Əli Əliyev
Vətəndaş və İnkişaf Partiyasının sədri
10 milyonuncu vətəndaşımızın dünyaya gəlişi ilə bağlı atəşfəşanlıq keçiriləcək. İqtidar yenə tozanaq qoparmaq istəyir. Suallarım var bu qərarı verənlərə:
– Bu 10 milyon erməni əsirliyində olan ana-bacımızla birlikdə hesablanır, orada erməni cinsəl təcavüzdən dünyaya gəlmişləri də sayırsınızmı?
– Ölkənin yarıtmaz idarəçiliyindən Rusiya, Ukrayna, Türkiyə və digər ölkələrə hambalçılığa getmişləri də əlavə etmisinizmi?
– Avropa qaçqın kamplarında əfqan, suriyalı, Somali və sudanlılarla sahəni bölüşənlər də nəzərə alınıbmı?
– Vətəndən işsizlik ucbatından dünyaya dağılan intellektuallarımızı da siyahıya daxil etmisinizmi?
– Dağlıq Qarabağ sakinlərimiz də varmı 10 milyonun içərisində?
– Borçalı, Cənubi Azərbaycan, Dərbənd, İraqdakı türkmanlar, Türkiyədəki soydaşlarımızı niyə görmürsünüz?
Nə isə, suallar çoxdur. Atəşfəşanlığı Qarabağı qaytaranda edərik, inşallah.
Xural.com