Əli Kərimlinin mühafizəçisi 30 günlük həbs edildi-VİDEO

AXCP fəalı, partiya sədri Əli Kərimlinin könüllü mühafizəçisi Ruslan Əmirli sentyabrın 11-də Yasamal rayon məhkəməsinin qərarı ilə 30 günlük inzibati həbsə məhkum edilib. R.Əmirli xuliqanlıq və polisə tabe olmamaqda ittiham edilib. İttihama görə o, küçədə telefonla danışarkən söyüş söyüb, polis onu etikaya dəvət edərkən tabe olmayıb. Əslində isə R.Əmirli bir gün qabaq – sentyabrın 10-da Milli Onkologiya Mərkəzinin qarşısında mülki geyimli polislər tərəfindən saxlanılaraq, Yasamal RPİ 29-cu polis bölməsinə aparılıb.

R.Əmirli Onkologiya Mərkəzinə xərcəng xəstəliyindən əziyyət çəkən bacısına baş çəkmək üçün gedirmiş.

Bu gün məhkəmənin qarşısında R.Əmirlidən məlumat almaq üçün toplaşan partiyadaşlarına və hadisə yerində olan jurnalistlərə qarşı polis zorakılığı baş verib. Əraziyə toplaşanlar oradan zorla kənarlaşdırılıb, bu zaman jurnalistlərə fiziki zor tətbiq edilib, bəziləri yüngül xəsarət alıb. Jurnalitlərin bəzilərinin çəkiliş apardıqları telefonları alıb, sonradan qaytarıblar. Hadisə zamanı “Azadlıq” qəzetinin əməkdaşı Təzəxan Mirələmli də polis zorakılığı ilə üzləşib. Bununla bağlı qəzetin adından bəyanat qəbul edilib. Bəyanatda deyilir.

Bu gün Yasamal rayon məhkəməsində AXCP fəalı Ruslan Əmirlinin məhkəməsi gedən zaman hadisə yerində olan jurnalistlərə də zor tətbiq edilib. Polis jurnalistləri və ora toplaşan fəalları məhkəmənin qarşısından zorakılıqla uzaqlaşdırıb, bəzilərinə xəsarət yetirib. Zorakılığa məruz qalan və xəsarət yetirilənlərdən biri də “Azadlıq” qəzetinin əməkdaşı Təzəxan Mirələmlidir.
Əməkdaşımızın peşə fəaliyyətini yerinə yetirməsinə və sərbəst hərəkətinə mane olan polis əməkdaşları onun haqlı etirazı qarşısında ona fiziki zor işlədib. Əməkdaşımız aldığı zərbədən yerə yıxılıb və yüngül xəsarət alıb.
Dinc şəkildə məhkəmə önünə toplaşıb əqidədaşlarından məlumat almaq istəyən fəallara və xüsusən də hadisə yerindən xəbər hazırlamaq istəyən jurnalistlərə polisin zor tətbiq etməsini, onların ərazidən zorakılıqla uzaqlaşdırılmasını Azadlıq qəzeti olaraq qətiyyətlə pisləyirik. Bu hadisə Azərbaycanda söz və toplaşmaq azadlığı sahəsində vəziyyətin nə qədər acınacaqlı olduğuna daha bir əyani sübutdur. Polisin öz peşəsini yerinə yetirən jurnalistlərə zor işlətməsi kobud qanun pozuntusu, vəzifə səlahiyyətlərini aşmaqdır.
Aidiyyatı dövlət orqanlarından tələb edirik ki, bu gün Yasamal məhkəməsinin qarşısında öz səlahiyyətini kobud surətdə aşmış, qanunları pozaraq jurnalistlərə və fəallara zor tətbiq etmiş polis əməkdaşları barəsində uyğun cəza tədbiri görülsün. Əks halda bugünkü zorakılıq aktının da məsuliyyəti siyasi hakimiyyətin üzərində qalacaq.”

Şərh yazın
Share

Son Əlavələr

  • MANŞET
  • XuralTAC

Şuşa şəhəri Azərbaycanın mədəniyyət paytaxtı elan edildi

Prezident İlham Əliyev "Şuşa şəhərinin Azərbaycanın mədəniyyət paytaxtı elan edilməsi haqqında" sərəncam imzalayıb. Xural.com xəbər…

7 May 2021
  • MANŞET
  • XuralTAC

Ombudsman Səbinə Əliyeva Mişel Baçelet və Dunya Miyatoviçə məktub ünvanlayıb

Xural.com-un Ombudsman Aparatından əldə etdiyi məlumata görə, Azərbaycan Respublikasının İnsan Hüquqları üzrə Müvəkkili (Ombudsman) Səbinə…

6 May 2021
  • MANŞET
  • XuralTAC

“Eldar Həsənovun səhhəti ağırdır”

Beynəlxalq Qırmızı Xaç Komitəsinin (BQXK) Azərbaycandakı Nümayəndəliyinin əməkdaşları Dövlət Təhlükəsizlik Xidmətinin (DTX) İstintaq təcridxanasında saxlanılan…

6 May 2021
  • MANŞET
  • XuralTAC

“Aslan Hüseynov maşında tək olub”

“Anası rəhmətə getmişdi. Yeddi mərasimi Gəncədə baş tutmuşdu. Oradan qayıdan zaman saat 05:00-da qəzaya düşüb.…

5 May 2021
  • MANŞET
  • XuralTAC

Bakı üç erməni hərbçini sərbəst buraxdı

Bakı xoş niyyətini nümayiş etdirərək üç erməni hərbçini sərbəst buraxıb. Xural.com Caliber.az-a istinadən xəbər verir…

5 May 2021
  • MANŞET
  • XuralTAC

Eldar Mahmudova məxsus şirkət ləğv olunur

"Kristal İnşaat" MMC ləğv olunduğunu elan edib. “Report”un xəbərinə görə, bu barədə İqtisadiyyat Nazirliyi yanında…

5 May 2021
Xural.COM