Rubrikalar: CƏMİYYƏT XuralTAC

Əli Nağıyev Əli İnsanova hücuma keçdi!

“Martın əvvəlində, Əli İnsanov həbsdən çıxanda mənə sual ünvanladılar. Bildirdilər ki, Əli İnsanov emosional, odlu-alovlu çıxışlar edir. Mən o zaman bildirdim ki, bu yanaşmanı səhv hesab edirəm”.

Xural.com-un məlumatına görə, bunları YAP-ın qurucularından olan sabiq əmək və əhalinin sosial müdafiəsi naziri Əli Nağıyev keçmiş həmkarı Əli İnsanovun son bəyanatlarına münasibət bildirərkən deyib. O, bu barədə “Moderator.az” saytına açıqlamasında danışıb.

Ə.Nağıyev Ə.İnsanovun fikirlərini yanlış hesab etdiyini, İlham Əliyevə yönəlik istənilən addımın həm də xalqa, xalqın və dövlətin mənafeyə qarşı yönəldiyini vurğulayıb: “Mən hələ 16 il qabaq bu yolun səhv olduğunu bildirmişəm. Bu gün elə simasızlar var ki, onlar iqtidarın təbliğatını edəndə, bu, iqtidarın əleyhinə işləyir. Çünki cəmiyyət bu insanları simasız insanlar kimi tanıyır. O simasızlardan birini o vaxt mənim də yanıma göndərmişdilər. Mənə deyirdilər ki, sən də bizim tərəfimizə keç. Mən həmin şəxsə sərt cavab verdim, bildirdim ki, məndən Heydər Əliyevə xəyanətkar olmaz”.

Sabiq nazir deyib ki, yaxşıya yaxşı, pisə pis demək lazımdır. Bir adamın hansısa səhvi olubsa, onun yaxşılarını da qaralamağı qəbul etmir: “Mən Əli İnsanova onu deyə bilərəm ki, ay kişi, sən axı savadsız adam deyilsən. Sən bu mübarizəni ömür boyu axıra çatdıra bilməzsən. İkinci bir tərəfdən, bax gör sən kimlərin əlinə oynayırsan. Prezident postuna iddialılar arasında İlham Əliyevin dizinə qədər çatası layiqli bir adam görmürəm. Onların içərisində vicdanı düz, keçmişi təmiz, milləti İ.Əliyevdən çox sevən, millətə İ.Əliyevdən artıq xidmət edən bir adam yoxdur. Nəinki İ.Əliyevdən artıq, İ.Əliyevin dizinə qədər olanını görmürəm.

73-74 yaşın var. Axı sənin Avropada, Amerikada oturan müəllimlərin də gözəl bilir ki, sənin bu potensialın yoxdur. Sən o cılız adamlara xidmət edirsənsə, yalnız İ.Əliyevə deyil, bu xalqa düşmənçilik edirsən. Sən bu millətə düşmənçilik edirsən.

Bu gün Azərbaycanın çox böyük problemi var. İ.Əliyevə qarşı çıxmaq, onun stolunu laxlatmaq, ona zərbə vurmaq Azərbaycana zərbə vurmaqdır. Azərbaycan bir dəqiqənin içində od tutub yana bilər.

Mən bir daha bunları Əli İnsanovun diqqətinə çatdırmaq istəyirəm. Bir daha deyirəm ki, ay kişi, qalan ömrünü balalarına, nəvələrinə sərf elə. Xeyirli işlərlə məşğul ol. Sən bu fəaliyyətinlə bu millətə heç bir xeyir verə bilməyəssən”.

Xatırlatmaq yerinə düşər ki, Əli Nağıyev cəmi 1 ay əvvəl özünəməxsus tərzdə – isterika içində tamam başqa havalar çalırdı… Əli İnsanovu müdafiə edirdi…

Paylaş:

Share

Son Əlavələr

  • GÜNDƏM
  • XuralTAC

“Relax” qalmaqalı Rövnəqə uzanır

Lerikdə “Relax” istirahət mərkəzində böyük skandal baş verib. Belə ki, istirahət mərkəzində yoxlama aparmaq istəyən vergi əməkdaşları deputat İqbal Məmmdovun…

20 Avqust 2019 4:00 axşam
  • GÜNDƏM
  • XuralTAC

Hərbi pilotun nəşi və təyyarənin qalıqları tapılaraq dənizdən çıxarılıb

Bu il iyulun 24-də plana uyğun olaraq, gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin…

20 Avqust 2019 3:55 axşam
  • GÜNDƏM
  • MANŞET
  • XuralTAC

Deputat İqbal Məmmədovun harın oğlu həbs edildi-VİDEO

Deputatın oğlu vergi işçilərini döyüb, həbs edildi *** İstirahət mərkəzi ilə bağlı vergidən yayınma şübhələri var Vergilər, Daxili İşlər nazirlikləri…

20 Avqust 2019 1:44 axşam
  • SİYASƏT
  • XuralTAC

Rəhim Qazıyev Prezident Aparatını bombaladacağı ilə bağlı iddialara cavab verdi

Keçmiş müdafiə naziri: “Vəzifədə qalsaydım, Əbülfəz bəyi devirməkdən ötrü mənim meyitim üstündən keçərdilər”; İxtiyar Şirin: “Prezident təyyarəsinə atəş açmaq Surət…

20 Avqust 2019 1:34 axşam
  • GÜNDƏM
  • KÖŞƏ YAZARLARI
  • XuralTAC

Orxan Adıgözəl yazır: “Cəsarətli olmaq haqqında”

“Cəsarətini itirən hər şeyini itirər.” Volfanq Göte    Məncə cəsarət hissi üçün deyiləcək ən sadə tərif bu olardı ki, sən…

20 Avqust 2019 1:11 axşam
  • GÜNDƏM
  • MANŞET
  • XuralTAC

Ayrılıq dəmi… – Selcana məktub

Əvəz Zeynallı   “Səhərdən mənim ailəmdə heç bir şey əskisi kimi olmayacaq”. Təbii ki, adamlar hər şeyə müqtədirdirlər, amma mən…

20 Avqust 2019 4:10 səhər
Xural.COM