Əfqan Muxtarlının apellyasiya şikayəti təmin olunmadı

Jurnalist Əfqan Muxtarlının barəsində həbs-qətimkan tədbirinin müddətinin daha iki ay uzadılması haqda Nəsimi Rayon Məhkəməsinin 17 avqust tarixli qərarından verilmiş apellyasiya şikayəti təmin olunmayıb. Bu gün Bakı Apellyasiya Məhkəməsində belə qərar çıxarılıb. Bu haqda “azadliq.info”ya vəkil Elçin Sadıqov məlumat verib.
“Biz Əfqan Muxtarlının ev dustaqlığına buraxılması üçün yenidən Nəsimi rayon məhkəməsinə müraciət etmişik. Əfqanın səhhətində ciddi problemlər qalmaqdadır. Ona yazılan dərmanlar təzyiqini kəskin aşağı salır. Ona keyfiyyətli tibbi yardım göstərilməsi üçün yenidən müraciət edəcəyik”, – Elçin Sadıqov bildirib.
Gözəl Bayramlı haqqında həbs qərarından verilmiş apellyasiya şikayətinə baxılması isə avqustun 24-nə təxirə salınıb.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button