Əvəz Zeynallı mətbuat konfransı keçirəcək
Nərimanov Rayon Məhkəməsinin icraçıları “Xural” qəzetinin redaksiyasında olublar. Xatırladaq ki, PA rəhbəri Ramiz Mehdiyevin, Prezident yanında KİV-in İnkişafına Dövlət Dəstəyi Fondunun icraçı direktoru Vüqar Səfərovun məhkəmələri, birinin 10.000 manatlıq, digərinin 5.000 manatlıq cərimələri, eyni zamanda müğənnicik Nüşabə Ələsgərlinin və Prezident yanında «Azərbaycan» Nəşriyyatının direktoru Ağabəy Əsgərovun 2007-ci ildə olmuş və artıq unudulmuş məhkəmə qərarları yenidən gündəmə gətirilib. Qəzetdən dərhal bu cərimələri ödəmək tələb olunub. “Xural” qəzetinin təsisçisi və baş redaktoru Əvəz Zeynallı müstəqil mətbuatın bu qədər ağır cərimələri ödəmək iqtidarında olmadığını xatırladıb. O bildirib ki, rəhbərlik etdiyi qəzetin hətta dərc olunduqları nəşriyyata da uzun müddətdir borcu var və qəzet onu ödəmək iqtidarında deyil. Buna baxmayaraq, icraçılar Əvəz Zeynallının mal və mülkünün olması ilə bağlı müxtəlif dövlət orqanlarına sorğu göndəriblər. Bu hadisəni hakim dairələrin müstəqil mətbuata qarşı təzyiqi kimi dəyərləndirən Əvəz Zeynallı 2011-ci il mayın 16-da? saat 12.00-da RATİ-nin qərərgahında mətbuat konfransı keçirəcək. Mətbuat konfransında həm də Əvəz Zeynallı başda olmaqla digər müstəqil mətbu orqan əməkdaşlarının, aktıv jurnalistlərin müstəqil mətbuata yüksək səlahiyyətli məmurlar tərəfindən yönələn təzyiqlərinə etiraz əlaməti olaraq müxtəlif aksiyalar keçirmək məsələləri müzakirə olunacaq.
Tarix: 16 may
Yer: RATİ-nin ofisi
Saat: 12.00
XuralTAC
