17 il icra başçısı olan Şair Alxasov vəzifəsindən azad edildi

Yayımlandı: 31 May 2024 11:35

Qusara hələ ki yeni icra başçısı təyin olunmayıb

Şair Alxasov Qusar Rayon İcra Hakimiyyətinin başçısı vəzifəsindən azad edilib.

Bu barədə dövlət başçısı İlham Əliyev mayın 31-də sərəncam imzalayıb.

Şair Alxasov 2007-ci ildən Qusar Rayon İcra Hakimiyyətinin başçısı vəzifəsində çalışır.

O, 1958-ci ildə Qusar rayonunun Çətgün kəndində anadan olub.

1985-ci ildə Azərbaycan İnşaat Mühəndisləri İnstitutunu inşaat mühəndisi ixtisası üzrə bitirib.

Əmək fəaliyyəti dövründə “Azərelektroterm” İstehsalat Birliyində tikinti işləri üzrə müdir müavini, tikinti trestinin müdiri, “Bərpaçı-A” MMC-nin prezidenti, bir sıra tikinti şirkətlərinin rəhbəri vəzifələrində işləyib.

Hələlik Qusar Rayon İcra Hakimiyyətinin başçısı vəzifəsinə təyinat yoxdur.

Meydan TV

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button