Amnistiya Aktı tətbiq edilən 40 qadın məhkumun cəzası azaldılıb
“8 Noyabr – Zəfər Günü münasibətilə elan olunan Amnistiya Aktı Penitensiar xidmətin cəzaçəkmə müəssisələrində cəza çəkən 65 qadına şamil edilib”.
Bunu Ədliyyə Nazirliyinin İnsan hüquqları və ictimaiyyətlə əlaqələr idarəsinin rəisi Aynur Sabitova deyib.
O bildirib ki, həmin qadınlardan 40-nın cəzası 6 ay azaldılıb, 24-ü isə azadlığa buraxılıb. Amnistiya Aktı tətbiq edilən 1 qadın isə narkomaniyadan müalicəyə cəlb edilib.
Qeyd edək ki, Amnistiya Aktı Prezident İlham Əliyevin təşəbbüsü ilə qəbul olunub.
