Avropa Yenidənqurma və İnkişaf Bankı Azərbaycan bankına manatla kredit ayırıb
Avropa Yenidənqurma və İnkişaf Bankı (EBRD) “Bank Respublika”ya manatla 9,5 milyon ABŞ dollarlıq (7,96 milyon avro) təminatsız kredit ayırıb.
Avropa Yenidənqurma və İnkişaf Bankı xəbər verir ki, kredit Maliyyə İnstitutları Sistemi çərçivəsində (Financial Intermediaries Framework, FIF) veriləcək.
Məlumata görə, layihə, FİF Siyasət Bəyanatına uyğun olaraq Azərbaycanın kənd təsərrüfatı sahəsində fəaliyyət göstərən mikro, kiçik və orta sahibkarlığa (KOBİA) borc vermək üçün Maliyyə İnstitutları Sistemi çərçivəsində həyata keçiriləcək.
