Avropalı deputat deyib ki, ABŞ və NATO Rusiyanın Ukraynaya müdaxiləsi təhlükəsi ilə bağlı şayiələr yayır
Avropa Parlamentinin (AP) Xarici Əlaqələr Komitəsinin üzvü Zerri Mariani (Thierry Mariani) Rusiyanın Ukraynaya müdaxiləsinə hazırlıqla bağlı ABŞ, NATO və Kiyevin özü tərəfindən fəal şəkildə yayılan şayiələri ağlasığmaz hesab edib. Bu mövqeyini fransalı deputat France 2 telekanalının efirindən yayıb.
“Mən səmimi qəlbdən inanıram ki, əslində Rusiya ilə müharibə təhlükəsi yoxdur”, O bunu Ukraynada vəziyyətin inkişaf perspektivləri ilə bağlı sualı cavablandırarkən deyib. Parlamentari xatırladıb ki, Rusiya təlimləri əvvəlcədən elan edilib və NATO Rusiya Federasiyasının sərhədləri yaxınlığında hərbi personalın sayına görə müqayisə oluna bilən manevrlər həyata keçirir.
Gərginliyin süni şəkildə artmasına misal olaraq, deputat Almaniya Hərbi Dəniz Qüvvələrinin Baş Komandanı Kay-Ahim Şönbaxın Hindistan Müdafiə Tədqiqatları və Təhlilləri İnstitutunda Krımın heç vaxt Ukraynaya qayıtmayacağı barədə fikirlərini bildirməsindən sonra istefa verdiyini göstərib. Sönbax həmçinin Rusiyanın guya Ukraynanı işğal etmək istəməsi ilə bağlı iddiaları cəfəngiyyat adlandırıb: “Bu təhdidlərdə kim maraqlıdır? Onlar daim deyirlər ki, müharibə olacaq. Belə oyunçuların cəmi üçü var: ilk növbədə, Əfqanıstan ətrafında müzakirələrdən sonra ABŞ və onun prezidenti Co Bayden əzələləri əyərək buna cəhd edir. İkincisi, Əfqanıstandakı əməliyyatın uğursuzluğundan sonra öz varlığına haqq qazandırmağa ehtiyacı olan NATO-dur, üçüncüsü, unutmayaq, bura Ukraynadır, dövlətin daimi vəsaiti buraya daxil olur. Xatırladaq ki, Avropadan 17 milyard avro artıq ora gedib”, – Mariani bildirib.
Xatırladaq ki, son zamanlar Qərb ölkələrində, eləcə də Kiyevdə Rusiyanın Ukrayna ərazisinə mümkün müdaxiləsi ilə bağlı bəyanatlar səslənir. Rusiya prezidentinin mətbuat katibi Dmitri Peskov bu cür məlumatları boş və əsassız şəkildə gərginliyin artırılması kimi qiymətləndirib. Peskov vurğulayıb ki, Rusiya heç kim üçün təhlükə yaratmır. Eyni zamanda, o, bu cür bəyanatlara haqq qazandırmaq üçün təxribatların mümkünlüyünü istisna etməyib və Ukraynanın cənub-şərqindəki böhranın həlli üçün gücdən istifadə cəhdlərinin ən ağır nəticələrinin olacağı barədə xəbərdarlıq edib.
