Azərbaycan hakimiyyətindən pul almış belçikalı deputatların istintaqı başladı

Xural.com azadlıq.info-ya istinadən xəbər verir ki, Azərbaycan hakimiyyətinin “pulyuyan maşınından” bəhrələnmiş şəxslərdən biri olan Belçika deputatı Alan Desteksə qarşı məhkəmə istintaqının başlanması haqqında qərar verilib.

Onunla yanaşı daha bir belçikalı keçmiş deputat da istintaqa cəlb olunacaq. Stefan Joris adlı keçmiş deputat “Avropa Seçki Akademiyası” təşkilatı çərçivəsində Alan Desteks ilə birlikdə dəfələlrlə Azərbaycanda keçirilən seçkilərə müsbət rəy veriblər. Azərbaycan hakimiyyətinin pulla ələ aldığı şəxslər arasında bu iki deputatın olduğu jurnalist araşdırmaları ilə sübut olundu.
Junalistlər bu faktları elan edəndən az sonra Belçikanı AŞPA-da təmsil edən deputatlardan biri olan Alan Desteks qurumdan istefa verdi.

Buna baxmayaraq, Belçika mətbuatının onunla bağlı ifşa kampaniyası dayanmadı.Həftənin üçüncü günü Belçikanın Ədliyyə naziri Koen Qeens bu şəxslərlə bağlı məhkəmə istintaqı başlanması ilə bağlı qərar qəbul edildiyini açıqladı.
Qeyd etmık lazımdır ki, AŞPA Azərbaycan hakimiyyətinin qurumda fəaliyyət göstərən deputatları pulla ələ alması faktlarlnı araşdırmaq məqsədilə xüsusu qrup yaradıb. Bu qrup araşdırmanın nəticələrini gələn ilin əvvəlində elan edəcək.