Azərbaycanda TikTok-a məhdudiyyət götürülüb
Oktyabrın 31-dən Azərbaycan ərazisində TikTok sosial şəbəkəsinin fəaliyyətinə tətbiq edilmiş məhdudiyyət aradan qaldırılıb.
Bu barədə məlumatları “Turan”a Rəqəmsal İnkişaf və Nəqliyyat Nazirliyinin Elektron Təhlükəsizlik Xidmətindən də təsdiqləyiblər.
Azərbaycanda TikTok sosial şəbəkəsinin fəaliyyətinə məhdudiyyət sentyabrın 19-da tətbiq olunmuşdu. Rəsmi olaraq bunun səbəbi açıqlanmasa da, ekspertlər bunu onda Qarabağda keçirilən hərbi əməliyyatlarla izah etmişdilər.
