“Azərbaycanda yüzə yaxın siyasi məhbus var”
22.06.2013
Xəbər verdiyimiz kimi Brüsseldə səfərdə olan Azərbaycan Respublikasının prezidenti İlham Əliyev Avropa komissiyasının prezidenti Manuel Borozzo ilə birgə keçirdiyi mətbuat konfransında bildirib ki, Azərbaycanda onun heç bir siyasi opponenti həbs edilməyib. Xatırladaq ki, prezident ölkədəki çıxışları zamanı dəfələrlə özünün opponentinin olmadığını bəyan edib.
Moderator.az-ın sualını cavablandıran AXCP sədrinin müavini Nurəddin Məmmədlinin sözlərinə görə, iqtidar nümayəndələrinin bir-birinə zidd olan bəyanatlarına tez-tez rast gəlmək olar. “ Azərbaycanda siyasi məhbus məsələsinə gəldikdə isə dünyanın bütün nüfuzlu qurumları Azərbaycanda yüzə yaxın siyasi məhbusun olduğunu bəyan edib. Bundan əlavə öz əqidəsinə və inancına görə həbs olunan insanlar da var ki, bunlar da siyasi məhbus statusu ala biləcək şəxslər hesab olunurlar”.
